शुक्रबारबाट लक्ष्मी र सनराइज बैंकले एकीकृत कारोबार गर्ने, आज र भोलि दुबै बैंकको कारोबार बन्द
काठमाडौं । लक्ष्मी बैंक लिमिटेड र सनराइज बैंक लिमिटेडले मर्जर प्रक्रिया पुरा गरी असार २९ गते शुक्रबार बाट एकिकृत कारोबार सुरू गर्दै छन ।
दुई बैंक गाभिएर लक्ष्मी सन्राइज बैंक लिमिटेडको नामबाट एकिकृत कारोबार गर्ने भएका हुन । मर्जर पश्चात् बन्ने बैंकको केन्द्रिय कार्यालय हात्तीसार, काठमाडौंमा रहनेछ ।
एकिकृत कारोबार सुरू गर्न डाटा माइग्रेसन लगाएतका प्रयोजनका लागि दुबै बैंकको बुधबार (आज)र बिहिबार (भोलि) सबै शाखा कार्यालयबाट प्रदान हुने सेवा बन्द भएको छ ।
यी दुई बैंक समान हैसिएतमा एक हुन लागेका हुन । लक्ष्मी बैंकको चुक्तापूँजी रू ११ अर्ब ५५ करोडभन्दा बढी छ भने सन्राइज बैंकको रू१० अर्ब ११ करोडभन्दा बढी छ । दुईं बैंक एक भएपछि चुक्तापूँजी रू २१ अर्ब ६६ करोडभन्दा बढी कायम हुनेछ।
लक्ष्मी बैंक लिमिटेड र सनराइज बैंक को असार ३ गते सम्पन्न साधारण सभाले मर्जर सम्बन्धि प्रस्ताव पारित गरेको थियो भने नेपाल राष्ट्र बैंकले असार २२ गते अन्तिम स्वीकृति प्रदान गरेको थियो ।
बैकले कम्पनी रजिष्ट्रारको कार्यालयबाट असार २४ गते अन्तिम स्वीकृति प्राप्त भएको हो भने नेपाल धितोपत्र बोर्डले समेत असार २५ गते पूर्व स्वीकृति प्रदान गरेको थियो ।
