डाबर वाटिका स्याम्पु मिस नेपालको टाइटल स्पोन्सर
काठमाडौं । डाबर वाटिका स्याम्पुले मिस नेपाल प्रतियोगिताको टाइटल स्पोन्सर गर्ने भएको छ । विगत दुई वर्षदेखिको साझेदारीलाई कायम राख्दै डाबर वाटिकाले मिस नेपाल २०२४ पनि सो साझेदारी गर्ने भएको हो ।
शीर्षक प्रायोजकको रुपमा, डाबर वाटिकाले महिला सशक्तिकरणमा आफ्नो विश्वासलाई पुनः पुष्टि गर्दै, महिलाहरुलाई समर्थन गर्न र समाजमा प्रभाव पार्न महत्वपूर्ण प्लेटफर्म प्रदान गर्ने जनाएको छ ।
‘हामी सुन्दरता र वौद्धिकताको उत्सव मनाउने एउटा प्रतिष्ठित प्लेटफर्म मिस नेपाल प्रतियोगितासँग आवद्ध हुन पाउँदा हर्षित छौं, यो साझेदारीमार्फत् हामीले नेपालभरका महिलाहरुलाई निडरताका साथ आफ्ना सपनाहरु पछ्याउन प्रेरित गर्ने र प्रोत्साहित गर्ने लक्ष्य राख्छौं’, डाबर नेपालका मार्केटिङ हेड अभयप्रसाद गोर्खालीले भने ।
प्रतियोगिताको आयोजक द हिडन ट्रेजरका अध्यक्ष अजयरत्न स्थापितले मिस नेपाल २०२४ को टाइटल प्रायोजकका रुपमा डाबर वाटिकालाई स्वागत गर्न पाउँदा खुसी भएको बताएका छन् । उनले आफूहरु अनगिन्ती व्यक्ति र समुदायहरुलाई प्रेरित गर्ने फलदायी साझेदारीको लागि तयार रहेको बताए
