काठमाडौँ । यो साता नेपाली बजारमा सुनचाँदीको मूल्य तोलामा ८०० रुपैयाँले बढेको छ । नेपाल सुनचाँदी व्यवसायी महासङ्घका अनुसार गत साताको शुक्रबारको तुलनामा सुनको मूल्य ८०० रुपैयाँले बढेको हो ।
महासङ्घका अनुसार गत साताको शुक्रबार छापावाल सुनको मूल्य तोलामा १ लाख १५ हजार ५०० रुपैयाँ थियो । यस्तै, तेजाबी सुनको मूल्य तोलामा १ लाख १४ हजार ४५० रुपैयाँ थियो । यो साताको शुक्रबारसम्म आइपुग्दा छापावाल सुनको मूल्य १ लाख १८ हजार ३०० पुगेको हो ।
यस्तै, यो साता १० ग्राम सुनको मूल्यमा ६८५ रुपैयाँको वृद्धि आएको छ । गत साताको शुक्रबार १० ग्राम सुनको मूल्य ९९ हजार २५ रुपैयाँ थियो । जुन, यो साताको शुक्रबारसम्ममा ९९ हजार ७१० रुपैयाँ कायम भएको हो । यसैगरी, यो साता चाँदीको मूल्यमा भने स्थिरता कायम छ । गत साताको शुक्रबार चाँदीको मूल्य तोलामा १४ सय ५० रुपैयाँ कायम थियो । जुन, हिजो शुक्रबार समेत यही मूल्यमा कारोबार भएको हो ।
