धादिङ, १७ असोज । धादिङको गजुरी गाउँपालिका–२ मजुवामा ट्रकको ठक्करबाट दुई जना विद्यार्थीको मृत्यु भएको छ । पृथ्वी राजमार्गअन्तर्गत मजुवामा बाटो क्रस गर्ने क्रममा ट्रकले ठक्कर दिँदा बागेश्वरी माध्यमिक विद्यालयको कक्षा आठमा अध्ययनरत निर्मल श्रेष्ठ र सन्जिव श्रेष्ठको मृत्यु भएको हो । काठमाडौंबाट चितवन तर्फ जाँदै गरेको प्रदेश ०२–००१ ख ६४१३ नम्बरको ट्रकको उनीहरुको घटनास्थलमै मृत्यु भएको हो । शव परीक्षणका लागि गजुरी अस्पताल पठाइएको छ । ट्रक चालक अशोक बमजन र ट्रकलाई प्रहरीले नियन्त्रणमा लिएकको छ ।
