काठमाडौँ – आज नेपाली बजारमा सुनचाँदीको मूल्यमा सामान्य वृद्धि आएको छ । नेपाल सुनचाँदी व्यवसायी महासंघकाअनुसार आज सुनको मूल्य प्रतितोला ३०० र चाँदीको मूल्य प्रतितोला ५ रुपैयाँले बढेको हो ।
यससँगै, आज छापावाल सुनको मूल्य तोलामा १ लाख १२ हजार ९०० रुपैयाँ र तेजाबी सुनको मूल्य तोलामा १ लाख १२ हजार ३५० रुपैयाँ कायम छ । गत साताको शुक्रबार छापावाल सुनको मूल्य तोलामा १ लाख १२ हजार ६०० रुपैयाँ र तेजाबी सुनको मूल्य तोलामा १ लाख १२ हजार ५० रुपैयाँ कायम छ ।
गत साताको शुक्रबार सुनको मूल्य तोलामा ९०० रुपैयाँले घटेको थियो । विहीबार छापावाल सुनको मूल्य तोलामा १ लाख १३ हजार ५०० रुपैयाँ कायम थियो भने तेजाबी सुनको मूल्य १ लाख १२ हजार ९५० रुपैयाँ कायम थियो ।
