काठमाडौँ । क्राइममा आधारित वेब सिरिज ‘आरती’ को ट्रेलर सार्वजनिक भएको छ । घटस्थापनाका दिन सार्वजनिक ट्रेलर मैथिली र नेपाली गरी दुई भाषामा रिलीज भएको छ ।
‘आरती’को कथावस्तु बलात्कार र महिला हिंसामाथि आधारित छ । सिरिजमा नूतन, राज पौडेल, गीता श्री, लक्ष्मण अधिकारी, मनिषा गिरी, शिव कुर्मी, दीप नारायण शर्मा, हरि प्रसाद कँडेल र संसार अधिकारीको प्रमुख अभिनय छ ।
‘आरती’ मा रोशन दासको कथा र निर्देशन छ भने कथा लेखन हिकमत शर्माले गरेका हुन् ।
मैथिली भाषामा न्यारेशन र संवाद–अनुवाद विद्यानन्द बेदर्दीले गरेका हुन् भने डबिङ्ग स्वर सरोज खिलाडी, राम भजन कामत, कृष्ण कुमार महतो, गीता श्री, अनन्त अनुराग, गजेन्द्र गजुर, गायत्री सिंह, शिवम मिश्रा, रोशन साह, रूपा यादव र रवि शर्माको छ ।
उक्त सिरिज नितेश घतानले खिचेका हुन् भने कवीर ओडले सम्पादन गरेका हुन् । आशिष दास प्रोड्युसर र राकेश शाह क्रियेटिभ प्रोड्युसर छन् ।
आदर्श प्रोडक्सन्स यूट्युब च्यानलमा मैथिली र ओएसआर डिजिटल च्यानलमा नेपाली ट्रेलर सार्वजनिक भएको छ ।
