काठमाडौँ । हिट गीत ‘भाइरल भइदियो’का गायक मानसराज बोहराले नयाँ गीत ‘मुड फ्रेस’ ल्याएका छन् । उनले यो गति आफ्नै शब्द, संगीत र स्वर ल्याएका हुन् । गीतमा एरेन्ज उदयराज पौडेलको छ । गीतको भिडियोमा अर्कै संसारकी प्रेमीकाको मायामा परेका एक प्रेमीको रोमान्टिक प्रेमकथा देखाउन खोजिएको छ ।जसमा सरोज अधिकारी र आश्मा विश्वकर्मा रोमान्टिक मुडमा प्रस्तुत भएका छन् । भिडियोमा आश्मालाई एलिनको रुपमा समेत देखाइएको छ । सरोज अधिकारीकै निर्देशन रहेको भिडियोमा नवराज अधिकारीको छायांकन तथा सुरज अधिकारीको सम्पादन छ । मानसराज गायनका अलावा थिएटर अभिनयमा पनि देखिदै आएका छन् । फिल्म ‘रेशम फिलिलि’को पारि त्यो डाडामा हेर घाम लाग्यो घमाईलो, ‘डायरी’को माया मायामा, भाईरल भैदियो, हिरो , लैलै राजकुमारी लगायतका मानसराजका गीत चर्चामा छन् ।
