काठमाडौं । यमुनामाइ गाउँपालिका-३ मलेनियास्थित कच्ची घरबाट मेड इन युएसए लेखिएको पेस्तोल २ थान, पेस्तोल १ थान, एयर गन १ थान, गोली १३ राउण्ड, पेस्तोलको खाली म्याग्जिन ६ थान, मोबाइल २ थान, घडि १ थान, सिमकार्ड ४ थान, पेनड्राइभ १ थान र शेख एजाज अहमदको नामको नेपाली नागरिकता १ थान आइतबार साँझ बरामद भएको ।
हाल नाम नखुलेको व्यक्तिको उक्त घरभित्र हातहतियार लुकाइ राखेको भन्ने सूचनाको आधारमा जिल्ला प्रहरी कार्यालय रौतहट, इलाका प्रहरी कार्यालय गरुडा, प्रहरी चौकी सुकदेवचोक र सशस्त्र प्रहरी बल नेपालबाट संयुक्त रूपमा खटिएको टोलीले घर तलासी गर्दा उक्त हातहतियार फेला पारी बरामद गरेको हो ।
