बागलुङ । राष्ट्रपति रामचन्द्र पौडेल बागलुङ महोत्सवको उद्घाटनको लागि बागलुङ बजार पुग्नुभएको छ ।
बुधबार बिहान १० बजेर राष्टपति पौडेल नेपाली सेनाको हेलिकप्टरबाट बागलुङ आउनु भएको हो ।
बागलुङ महोत्सवको उद्घाटनसंगै राष्ट्रपति पौडेलले मन्दिरको दर्शन गर्नुका साथै पूर्जाअर्चना गर्नुहुने छ । मन्दिरको दर्शनलगत्तै बागलुङ नगरपालिका–४ कुँडुलेस्थित सालिग्राम सङ्ग्रहालयको अवलोकन गर्ने कार्यक्रम रहेको उद्योग वाणिज्य सङ्घ बागलुङका अध्यक्ष नरेश कँडेलले जानकारी दिनुभयो ।
कोरोना सङ्क्रमणका कारण अघिल्लो पटक हुन नपाएको महोत्सव चार वर्षपछि हुदैछ ।
महोत्सव आजदेखि सुरु भएर पुस २१ गतेसम्म चल्ने छ । महोत्सवमा एक सय २० भन्दा बढी स्टल रहेका छन । महोत्सवमा करिब सात लाख दर्शकले अवलोकन गर्ने अनुमान छ ।
महोत्सवमा खुल्ला महिला तथा पुरुष भलिबल प्रतियोगिता, खुला रिले दोहोरी तथा लाइभ दोहोरी गीत, खुला भजन प्रतियोगिता र युवा उद्यमी सम्मेलन हुने भएको छ।
