काठमाडौ । पुस २७ गते देखि प्याब्सन काठमाडौं मेट्रो कप फुटसल प्रतियोगिता हुने भएको छ।
प्याब्सन काठमाडौं मेट्रोको आयोजनामा अन्डर-१६ इन्टर स्कुल तेस्रो काठमाडौं मेट्रो कप हुने भएको हो ।
पुस २७, २८ र २९ गते काठमाडौको सुकेधारास्थित बाग्मती बोर्डिङ स्कुलमा फुटसल प्रतियोगिता गर्न लागिएको प्याब्सन काठमाडौं महानगरका अध्यक्ष ज्ञानबहादुर श्रेष्ठले बताउनुभयो।
तीन दिनसम्म चल्ने फुटसल प्रतियोगितामा काठमाडौंका ३२ टिमको सहभागी हुने आयोजकले जनाएको छ ।
फुटसल प्रतियोगिता प्रथम हुने टिमलाई १० हजार, दोस्रो हुने टिमलाई ६ हजार र तेस्रो हुने टिमलाई ४ हजारको साथै पदक प्राप्त गर्ने प्याब्सन काठमाडौं सह-कोषाध्यक्ष निर्मल पौडेलले जानकारी दिनुभयो।
यस्तै प्रतियोगितामा उत्कृष्ट गोलरक्षक, उकृष्ट स्टाइकर र उकृष्ट डिफेन्डरलाई समेत पुरस्कारको ब्यवस्था गरिएको आयोजकले जनाएको छ ।
प्रतियोगिताको बारेमा थप जानकारी दिन प्याब्सन काठमाडौं मेट्रोले बुधबार ३ बजे काठमाडौको सुकेधारास्थित बाग्मती बोर्डिङ स्कुलमा पत्रकार सम्मेलनकाे आयाेजना गर्दैछ ।
