काठमाडौ । चौधरी ग्रुप अन्तर्गतको सिजी इलेक्ट्रिकको ब्रान्ड एम्बेस्डरमा अभिनेत्री सुरक्षा पन्त नियुक्त भएकी छिन ।
पन्तलाई ब्रान्ड एम्बेस्डरमा नियुक्तले उत्पादनलाई प्रवर्द्धनको थप टेवा पुग्ने कम्पनीले लक्ष्य राखेको छ।
पन्तसँगको सहकार्यले ब्रान्डलाई अर्को स्तरमा पुर्याउने र उपभोक्ताहरूबीच सिजी एक विश्वसनीय ब्रान्डको रूपमा स्थापित हुने कम्पनीले बिश्वास लिएको छ ।
सुरक्षाको आकर्षण, बहुमुखी प्रतिभा र प्रभावशाली व्यक्तित्वले उपभोक्ताहरूलाई अत्याधुनिक सामानहरू उपलब्ध गराउन र सहज सेवा प्रदान गर्न सिजी इलेक्ट्रिकको दृष्टिकोणसँग पूर्ण रूपमा मिल्दोजुल्दो रहेको बताइएको छ।
सुरक्षा पन्त र सिजी इलेक्ट्रिक दुवैले उत्कृष्टता, निष्ठा र ग्राहक सन्तुष्टीको साझा दृष्टिकोण राख्ने कम्पनीको भनाइ छ।सहकार्यले ब्रान्ड इक्विटी र उपभोक्ताहरू माझ पहुँच बढाउने शक्तिशाली सिनर्जी सिर्जना गर्ने अपेक्षा गरिएको छ।
सुरक्षा पन्तले “उत्कृष्टताप्रतिको प्रतिबद्धताका लागि परिचित ब्रान्ड सि.जी. इलेक्ट्रिकसँग आबद्ध हुन पाउँदा म सम्मानित छु । चिम्नी, सोलार र इलेक्ट्रिक उत्पादनको प्रतिनिधित्व गर्न पाउँदा म उत्साहित छु । सि.जी. इलेक्ट्रिकले नवीन र उच्च गुणस्तरका उत्पादनहरू प्रस्तुत गर्दछ, र म यी क्षेत्रहरूमा सि.जी. इलेक्ट्रिकको यात्राको हिस्सा हुन पाउँदा खुसी छु ।”
