काठमाडौ । नेपाल दूरसञ्चार प्राधिकरणले युनाइटेड टेलिकम लिमिटेड (युटीएल) सहित ३ वटा दूरसञ्चार सेवा प्रदायकको इन्टरनेट सेवाको लाईसेन्स खारेज गरेको छ।
प्राधिकरणले युटीएल सहित म्याक्स नेट सोलुसन प्राली र चितवन नेटवर्क प्रालीको पनि लाईसेन्स खारेज गरेको छ। प्राधिकरणले यी तिनै कम्पनीको इमेल सहित इन्टरनेटको लाईसेन्स खारेज गरेको हो ।
अनुमतिपत्र नवीकरण गर्न तोकिएको समयावधि भित्र नवीकरण बापतको दस्तुर दाखिला गरी अनुमतिपत्र नवीकरणको लागि निवेदन पेस नगरेकाले लाईसेन्स खारेज गरिएको प्राधिकरणले जनाएको छ ।
अनुमतिपत्र नवीकरण गर्न तोकिएको समयावधि भित्र नवीकरण बापतको दस्तुर दाखिला गरी अनुमतिपत्र नवीकरणको लागि निवेदन पेस नगरेकाले निजहरूको अनुमतिपत्र दूरसञ्चार ऐन, २०५३ को दफा २५ को उपदफा ५ बमोजिम स्वतः भएको प्राधिकरणले जनाएको छ ।
