रोयल इन्फिल्डका तीन नयाँ मोटरसाइकल सार्वजनिक, कसको मुल्य कति ?
काठमाडौं । रोयल इन्फिल्ड मिटिओर ३५० cc को तिन नयाँ मोटरसाइकल पुनः सार्वजनिक भएको छ ।
रोयल इन्फिल्डको नेपालका लागि आधिकारिक बिक्रेता अल्फा अटोमोटिभ नक्साल स्थित रोयल इन्फिल्ड शोरुममा त्रिवेणी ग्रुपका निर्देशक सुबाष चन्द्र संघाइ र रोयल इन्फिल्डका प्रतिनिधी नेपाल बजार प्रमुख अभिषेक सुक्ला द्वारा Meteor Fireball, Meteor Stellar र Meteor Supernova सार्वजनिक गर्नु भएको हो ।
Meteor मोटरसाइकल जे प्लेटफर्ममा निर्माण गरिएको हो । यी मोटरसाइकलमा ३४९ सीसी सिंगल सिलिन्डर, फ्युल इन्जेक्टेड फोर स्ट्रोक, एयर–ओयल कुल्ड, Electronic Fuel Injection (EFI) रहेको छ ।
उक्त इन्जिनले अधिकतम ६१०० आरपीएममा २०.२ ब्रेकहर्स पावर र ४००० आरपीएममा २७ एनएमको टर्क जेनेरेट गर्छ भने यस्मा डुअल डिस्कब्रेक दिएको छ l यी सबै मोटरसाइकलहरुमा १५ लिटरको फ्युल ट्यांक क्षमतारहेको छ भने प्रति लिटर औषत ४० कि.मि. माइलेज दिने छ l
इजी क्रुजिईग डिजाइनमा रहेको यी मोटरसाइकलमा १४०० mm व्हीलबेस, ७६५ mm सिटको उचाई, ट्विन डाउनटुव स्पाइन फ्रेम, आगाडी – चौडा टुबलेस टायर्र (१००/९० – १९’’ – ५७ P ), पछाडी – चौडा टुबलेस टायर्र (१४०/७० – १७’’ – ६६P) जस्ता फिचरहरू पाउन सकिन्छ ।
Meteor Fireball ३५०cc – पहेंलो, रातो, निलो र म्याट हरियो रंगमा उपलब्ध छन्, त्यस्तै Meteor Stellar ३५०cc – कालो, निलो र रातो रंगमा उपलब्ध छन् र Meteor Supernova ३५०cc – खैरो, निलो र रातो रंगमा रोयल इन्फिल्डका १८ बाटै सोरुममा उपलब्ध हुने कम्पनीले जनाएको छ ।
कम्पनीले Meteor Fireball ३५०cc को मूल्य पाच लाख पचास हजार रुपैयाँ (५५०,०००), Meteor Stellar ३५०cc – को मूल्य पाच लाख पचपन्न हजार रुपैयाँ (५५५,०००) र Meteor Supernova३५०cc – को मूल्य पाच लाख पैसठी हजार (५६५,०००) तोकेको छ । सबै भेरियन्टको बुकिङ समेत खुलिसकेको छ ।
